ANTIBIOTIKLARGA CHIDAMLI BAKTERIYALAR MUAMMOSI VA ULARGA QARSHI KURASHISH USULLARI
Keywords:
Antibiotiklar, Antibiotik rezistentlik, Bakteriyalar, Ftorxinonlar, Pennitsilin Bakteriostatik, Bakteritsid, Konyugatsiya, Transduksiya, Beta-laktamaza, Efflux pump, PreklinikAbstract
Ushbu maqolada antibiotiklarga qarshi bakteriyalar, ya’ni antibiotik rezistentlik muammosi ko‘rib chiqiladi. Antibiotiklar uzoq yillar davomida turli bakterial infeksiyalarni davolashda samarali vosita bo‘lib kelgan, biroq so‘nggi yillarda ularning samaradorligi sezilarli darajada kamaymoqda. Buning asosiy sababi bakteriyalarning antibiotiklarga moslashib, ularga nisbatan chidamlilik hosil qilishidir. Maqolada antibiotiklarning ta’sir mexanizmi, rezistentlikning paydo bo‘lish sabablari va rivojlanish jarayonlari yoritilgan. Shuningdek, mutatsiyalar va gen almashinuvi orqali bakteriyalarning yangi xususiyatlarga ega bo‘lishi tushuntiriladi. Eng xavfli rezistent bakteriyalar va ularning inson salomatligiga ta’siri haqida ham ma’lumot beriladi. Maqola yakunida antibiotik rezistentlikning oldini olish choralariga alohida e’tibor qaratilib, uni kamaytirish bo‘yicha tavsiyalar beriladi.