LAPAROSKOPIK OPERATSIYALARDA MULTIMODAL ANALGEZIYA SAMARADORLIGINI BAHOLASH
Keywords:
laparoskopik operatsiya, multimodal analgeziya, og‘riq sindromi, vizual analog shkala, reabilitatsiya, analgetik vositalarAbstract
Ushbu ilmiy maqolada laparoskopik operatsiyalardan so‘ng og‘riq sindromini kamaytirishda multimodal analgeziya usullarining samaradorligi o‘rganildi. Tadqiqotning maqsadi - multimodal og‘riqni boshqarish strategiyasining bemorlarning operatsiyadan keyingi reabilitatsiya jarayoniga ta’sirini baholashdan iborat. Tadqiqot davomida bemorlarning klinik holati, og‘riq intensivligi vizual analog shkalasi (VAS) orqali baholandi hamda analgetik preparatlarga bo‘lgan ehtiyoj tahlil qilindi. Olingan natijalar multimodal analgeziya qo‘llanilganda og‘riq sezgilarining erta pasayishi, bemorlarning umumiy holati va tiklanish dinamikasining yaxshilanishi, shuningdek analgetik vositalarga bo‘lgan talabning sezilarli kamayishini ko‘rsatdi. Multimodal yondashuvning afzalligi uning farmakologik xavfsizligi, sinergik analgezik ta’siri va jarrohlikdan keyingi stress javobini pasaytirish xususiyatlarida namoyon bo‘ldi. Tadqiqot natijalari laparoskopik operatsiyalarda multimodal analgeziya usullarini amaliyotda qo‘llash og‘riqni nazorat qilish samaradorligini oshiradi hamda bemorlarning erta reabilitatsiyasini ta’minlaydi, degan xulosaga olib keldi.