IKKALA O‘PKANING TRANSPLANTATSIYASIDAN KEYINGI O‘NG ORALIQ BRONXNING CHANDIQLI TORAYISHINI BRONXOSKOPIK USULDA BALLON BILAN KENGAYTIRISH BO‘YICHA BIZNING TAJRIBAMIZ
Keywords:
O‘pka transplantatsiyasi, ballonli kengaytirish, bronxoskopiyaAbstract
O‘pka transplantatsiyasi bo‘yicha xalqaro jamiyat reestri ma’lumotlariga ko‘ra (International Society Heart and Lung Transplantation) 2016-yilgacha 64 ming o‘pka transplantatsiyasi bajarilgan. Hozirgi kunda yiliga o‘rtacha 3700 dan ortiq o‘pka transplantatsiyasi bajarib kelinmoqda. O‘pka transplantatsiyasidan keyingi asoratlar muvofaqqiyatsizliklarning asosiy omili bo‘lib (60-80%) qolmoqda. O‘pka transplantatsiyasining ortib borishi bilan asoratlar ham ortib boradi. Bugungi kunda o‘pka transplantatsiyasidan keyingi asoratlar chastotasi dastlabki 6 oy ichida 2 % dan 33 % gacha o‘zgarib turadi. So‘ngi adabiyotlarga ko‘ra o‘pka transplantatsiyasidan keyingi yashovchanlik 1-yillikda 85 %, 5 yildan keyingi 59 %, 7 yildan keyin 37 % tashkil etgan. O‘pka transplantatsiyasidan keyingi bronxial asoratlar quyidagi turlarga bo‘linadi: bronxial stenozlar, anastozmoz yetishmovchiligi, traxeobronxomalyastiya, bronxial oqmalar va endobronxial infeksiyalardir. Bronxoskopiya o‘pka transplantatsiyasidan keyingi asoratlarni davolashning eng muhim usuli bo‘lib qolmoqda. O‘pka transplantatsiyasini o‘tkazgan bemorlarning 38,5 % i davolovchi bronxoskopiyaga muxtojdir. O‘pka transplantatsiyadan keyingi asoratslardan eng ko‘p uchrovchi turi bronxial stenozdir. O‘pka transplantatsiyadan keyingi stenozlarni 4 ta turi mavjud bo‘lib: 1-anastomozdan yuqori stenoz (1 sm), 2-anastomoz sohasidagi stenoz, 3- anstomozdan keyingi distal stenoz, 4-diffuz stenozlardir.